LE: Mata heroj Junajteda, Lion izbacio Romu

283

Vrlo zanimljivo bilo je u večernjem programu Lige Evrope, a Lion je u derbiju prošao Romu i plasirao se u četvrtfinale.

Dva gola zaostatka bila su prevelik zalogaj za Rimljane u revanšu. Iako su napadali i trudili se nijesu uspjeli više od pobjede 2:1, pa je Lion sa ukupnih 5:4 prošao dalje.

Francuski tim je poveo u 16. minutu preko Diakabija. Bio je to hladan tuš za sve na Olimpiku, međutim kao spas je stigao pogodak Strotmana samo minut kasnije. U drugom je dijelu viđen samo jedan gol, Tusar je savladao svog golmana u 60. minutu. Do kraja je Roma imala inicijativu, a posljednju šansu propustio je Džeko glavom šutiravši malo preko gola.

Junajted je nakon ruskih 1:1, pobijedio u revanšu Rostov 1:0. Huan Mata je golom u 70. minutu na asistenciju Zlatana Ibrahimovića osigurao završnicu takmičenja za tim Žozea Murinja.

Njemački derbi završen je bez pobjednika. 3:3 je ukupno bilo poslije dva meča, ali 2:2 u revanšu u Menhengladbahu, pa je Šalke prošao zbog gola u gostima.

Domaći su imali sve u svojim rukama, Kristensen, pa Dahu su donijeli velikih 2:0, ,međutim Šalke je za 14 minuta drugog dijela izborio prolaz. Gorecka i Bentaleb sa bijele tačke su bili tvorci velikog povratka.

Anderleht je golom Akemponga, tek što je ušao u igru, i u drugom susretu sa 1:0 savladao Apoel. Prošao je i Ajaks. Holandski tim je u revanšu sa 2:0 savladao Kopenhagen golovima Traoera i Dolberga. Danci su prvi meč dobili 2:1 što nije bilo dovoljno.

Ranije su plasman u četvrtfinale izborili Bešiktaš, Genk i Selta.

Komentari

komentara