Izvučeno nekoliko preživjelih

313

Spasilačke ekipe izvukle su još nekoliko preživjelih iz ruševina stambene zgrade u Tainanu, na Tajvanu, dan nakon što je potres jačine 6,4 stepeni Rihterove skale pogodio ostrvo.

Spasilačke ekipe tragaju za još 120 ljudi za koje se vjeruje da su zatrpane ispod ruševina. Najmanje 23 osobe su poginule, uključujući i 16 osoba čija su tijela pronađena ispod urušene zgrade “Zlatni zmaj” u gradu Tainanu na jugu Tajvana.

Donji spratovi zgrade su popustili i cijela struktura se urušila, što je izazvalo pitanja o kvalitetu materijala i rada na zdanju izgrađenom devedesetih godina prošlog vijeka.

Gradonačelnik Tainana William Lai izjavio je da je pažnja spasilaca usmjerena na 29 osoba koje su najbliže površini i da se koristi lakša oprema, poput bušilica.

“Za ostalih 103 osobe se vjeruje da su ostale u nižim spratovima zgrade, za sada ne pronalazimo pristupačniji put do njih”, naveo je Lai.

Vlasti navode da je u rušenoj zgradi bilo 96 stanova i 256 registrovanih stanara. Usljed potresa urušile su se zgrade na još devet lokacija u Tainanu, a pet zgrada je još u opasnosti od urušavanja.

 

(Radio Bet)

Komentari

komentara